Ссылки доступа

Токио Олимпиадаси очилиш маросими режиссёри 23 йил олдин Холокост устидан кулгани учун ишдан кетди


Глава организационного комитета Олимпийских игр в Токио Сэйко Хасимото

Токио Олимпиадаси тантанали очилишига бир кун қолганида маросим режиссёри, комик Кэнтаро Кобояси 1998 йилда Холокост мавзусида хазил қилгани ижтимоий тармоқларда тарқалиб, жанжалга сабаб бўлгани ортидан ишдан олинди.

“Кобояси бир неча йиллар аввал тарихнинг бу фожиавий эпизоди устидан кулгани аниқланди”,-деди Олимпиада ташкилий қўмитаси раиси Сэйко Хасимото.

Режиссёрнинг ўзи бундан 23 йил аввал қилган ҳазили учун “афсусда экани” тўғрисида билдирди. Ўшанда Кобояси “Келинглар, Холокост ўйнаймиз” деб, геноцид қурбонлари рамзи сифатида қоғоздан ясалган одам шаклларини ерга сочиб ташлаган эди.

Бир неча кун олдин Олимпиада ўйинлари композитори бўлган 52 ёшли Кэйго Оямада ҳам ишдан бўшатилганди. Бунга унинг 1994 йилда берган интервьюси сабаб бўлган. Ўшанда у мактабда ўқиётганида имконияти чекланган синфдошларини мазаҳ қилганини тан олган.

Февраль ойида аёлларни камситгани учун Япония собиқ бош вазири Ёсиро Мори Олимпиада ташкилий қўмитаси раиси лавозимидан бўшатилганди.

XS
SM
MD
LG