Ссылки доступа

Бугун Токиода Олимпия ўйинлари бошланади


Токио Олимпия ўйинлари расмий равишда 23 июль куни Токиодаги Миллий стадионда очилиш маросими билан бошланади. Токиода коронавирус инфекциясининг давом этаётганлиги сабабли, ташриф чекланган бўлади.

Ўйинларнинг расмий старт маросими маҳаллий вақт билан соат 20: 00да (Тошкент вақти билан 16:00 да) режалаштирилган. Ташкилотчилар шоу тафсилотларини ошкор қилмадилар, аммо 68 минг кишига мўлжалланган Олимпия стадионига 950 га яқин одам, шу жумладан 15 та мамлакат раҳбарлари ташриф буюришини айтди.

Шу ой бошида ташкилотчилар Токионинг коронавирус билан касалланиш даражаси ошгани сабабли янги фавқулодда ҳолат эълон қилингандан сўнг, Олимпиада мусобақалари трибуналарда томошабинларсиз ўтказилишини эълон қилишди.

Токиода Ёзги Олимпиада ўйинлари ўтган йили ўтказилиши керак эди, аммо коронавирус пандемияси туфайли улар кейинга қолдирилди.

22 июль куни Токиода 1 979 та CОВИД-19 касаллиги қайд этилди, бу январь ўрталаридан бери энг юқори кўрсаткичдир. Инфекция, шунингдек, Олимпиадада қатнашиш учун аккредитациядан ўтган 90 га яқин одамда, шу жумладан бир нечта спортчиларда топилган.

XS
SM
MD
LG