Ссылки доступа

Азимжон Асқаров вафотининг бир йиллигига Қирғизистон ҳуқуқ ҳимоячилари давлатдан ўз мажбуриятларини бажаришини кутмоқдалар


Азимжан Аскаров.

Азимжон Асқаров вафотининг бир йиллиги арафасида, 25 июль куни инсон ҳуқуқлари бўйича ҳамжамият Қирғизистон расмийларини БМТнинг Инсон ҳуқуқлари бўйича қўмитасининг унинг иши бўйича тавсияларини бажаришга чақиради.

23 июль куни эълон қилинган «Бир Дуйно — Қирғизистон» инсон ҳуқуқлари ташкилоти БМТ Инсон ҳуқуқлари қўмитаси 2016 йилда Асқаровни самарали ҳуқуқий воситалар билан таъминлаш учун Қирғизистон уни озод қилиши ва судланганлигини бекор қилиши кераклигини таъкидлаганини эслайди.

23 июль куни Human Rights Watch халқаро инсон ҳуқуқлари ташкилоти (HRW) ҳам баёнот чиқариб, унда Қирғизистон расмийларини халқаро мажбуриятларини бажаришга ва Азимжон Асқаровнинг ўлими бўйича мустақил тергов ўтказишга, шунингдек инсон ҳуқуқлари ҳимоячиси оиласига компенсация тўлашга чақирди.

Азимжон Асқаров 2010 йил июнь воқеалари ва полиция ходимининг қотиллигига алоқадорликда гумон қилиниб, умрбод қамоқ жазосига ҳукм қилинди.

69 ёшли Азимжон Асқаров 2020 йил 25 июлда қамоқда ўпка яллиғланишидан вафот этди. У Ўзбекистонда дафн этилган.

Унинг вафотидан кейин БМТнинг Женевадаги Инсон ҳуқуқлари бўйича Олий комиссари Асқаровнинг ўлими юзасидан мустақил тергов ўтказиш зарурлиги тўғрисида, унинг оиласи Қирғизистон ҳукуматидан товон пули олишга ҳақли эканлиги тўғрисида баёнот берди. Шунингдек, Асқаровнинг ўлими билан боғлиқ қатор халқаро ташкилотлар Қирғизистон расмийларига танқидий хабарларни тарқатишди.

XS
SM
MD
LG