Ссылки доступа

"Бир дүйнө - Кыргызстан" Аскаровдун ишине байланыштуу билдирүү таратты


Азимжан Аскаров.

"Бир дүйнө – Кыргызстан" уюму кыргыз бийлигин укук коргоочу Азимжан Аскаровдун ишине байланыштуу Бириккен Улуттар Уюмунун (БУУ) адам укуктары боюнча комитетинин сунуштарын аткарууга чакырды.

"Бир дүйнө – Кыргызстан" тараткан маалыматка ылайык, БУУнун адам укуктары боюнча комитети 2016-жылы Аскаровдун ишинде адилеттүү соттук териштирүүгө, абакта ар-намысын коргоого укуктуу экенин билдирген. Ошондой эле аны абактан бошотууну жана айыптоо өкүмүн жокко чыгарууну сунуштаган.

23-июлда Human Rights Watch (HRW) укук коргоо уюму да кыргыз бийлигин эл аралык милдеттерин аткарып Азимжан Аскаровдун өлүмүнө байланыштуу көз карандысыз, калыс иликтөө жүргүзүүгө чакырды. Андан тышкары уюм Аскаровдун үй-бүлөсүнө кенемте төлөнүп берилиши керек деп эсептейт.

Кыргыз бийлигинин маалыматына ылайык, 2010-жылдагы июнь коогасында "жапырт башаламандык уюштурууга жана киши өлтүрүүгө катышкан" деп айыпталып, өмүрүнүн аягына чейин эркинен ажыратылган Азимжан Аскаров 2020-жылы 25-июлда, №47 абакта 69 жашында пневмониядан каза болгон. Анын адвокаттары Аскаровдо COVID-19дун симптомдору байкалганын билдиришкен.

Жакында Бишкек шаарынын Свердлов райондук соту анын өлүмүн иликтөө боюнча адвокат Айдар Сыдыковдун даттануусун кароону токтоткону белгилүү болду. Бул тууралуу 2-июлда "Бир дүйнө Кыргызстан" уюму билдирген.

Видео

Видео

Кыргызчаны оңой үйрөткөн мугалим
пожалуйста, подождите

No media source currently available

0:00 0:11:07 0:00
XS
SM
MD
LG