Ссылки доступа

Қирғизистон барномаи нави манзилро қабул кард


Девони вазирони Қирғизистон барномаи нави манзилро ба тасвиб расонд, ки тибқи он, дар баробари омӯзгорону табибон қишрҳои дигари сокинон низ метавонанд қарзи ипотекаи чордарсадиро барои 25 сол дарёфт кунанд.

Ба огаҳии Ширкати давлатии ипотекаи Қирғизистон, санади мазкур зери унвони "Хонаи ман 2021-2026" 25 июл имзо шудааст.

Ба гуфтаи сухангӯи ширкат Жилдиз Бекбаева, дар барномаи нав шартҳои дарёфти ипотека тағйир дода шудааст. Агар пештар сокинон қарзро бо 6-8 дарсади солона барои 15 сол мегирифтанд, ҳоло онро бо 4 дарсади солона барои 25 сол метавонанд бигиранд.

Ҳамчунин дар баробари табибу омӯзгор ва хидматчии давлатӣ қишрҳои дигар низ метавонанд ипотекаи мазкурро дарёфт кунанд.

Ширкати давлатии ипотекаи Қирғизистон соли 2015 таъсис дода шуд. Барномаи нахустини он охири соли 2020 ба поён расид. То ба ҳол 5 ҳазору 240 кас ипотекаро дарёфт карда, 10 ҳазор нафари дигар дар навбатанд.

XS
SM
MD
LG