Ссылки доступа

Панҷ маҳкумшудаи узбекистониро дар доираи парвандаи таркиши соли 1999 дар Тошканд сафед карданд


Додгоҳи вилояти Тошканди Узбекистон рӯзи 24 июл панҷ маҳкумшударо дар доираи парвандаи таркишҳои 16 феврали соли 1999 сафед кард.

Панҷ нозири гузаргоҳи гумрукии "Гишт куприк"-ро додгоҳ рӯзи 30 июни соли 1999 дар "Беамалӣ" айбдор ва 3-солӣ зиндонӣ карда буд.

Додгоҳ гуфт, касоне, ки таркишҳои моҳи феврали соли 1999-ро ташкил карда буданд, баъди анҷом додани таркишҳо тавассути гузаргоҳи "Гишт куприк" Тошкандро тарк кардаанд.

Панҷ маҳкумшуда ба додгоҳ шикоят бурданд. Додгоҳ рӯзи 24 июли соли 2021 ҳукми зинаҳои поёниро дар бораи айбдор будани онҳо бекор кард.

Рӯзи 16 феврали соли 1999 дар шаҳри Тошканди Узбекистон чанд таркиш рух дод. Дар натиҷа 16 кас кушта ва бештар аз 100 каси дигар маҷруҳ шуд. Ислом Каримов, президенти вақти Узбекистон он замон гуфта буд, ки таркишҳоро тундгароёни динӣ ташкил карда, ҳадаф сӯиқасд ба ҷони президент буд.

XS
SM
MD
LG