Бу ҳақда у 30 июль куни матбуот анжуманида эълон қилди ва «ходимлар қабул қилинган юкни рўйхатдан ўтказишда қонунни бузишганини» таъкидлади.
Олтин ва чет эл валютасининг ноқонуний олиб ўтилишига ўтган йилнинг ноябрь ойида Душанбе халқаро аэропортида йўл қўйилган эди. Бу ишни Тожикистон Бош прокуратураси текширган ва апрель ойида Душанбе суди бу иш бўйича тўққиз айбланувчини икки йилдан беш ярим йилгача қамоқ жазосига ҳукм қилган. Улар орасида мамлакат божхона ва ички ишлар органлари ходимлари ҳам бор эди.
Ҳукмда айтилишича, маҳкумлар Афғонистон фуқаролари билан ҳамкорликда бир неча йиллардан буён олтин ва чет эл валютасини ноқонуний олиб кирган.
Суд бу жиноий гуруҳ билан ҳамкорлик қилгани учун Хатлондаги “Нижний Панж” божхона постининг икки инспектори Зариф Аслонов ва Қурбонали Сайфуллоевга нисбатан ҳукм чиқарди, улар ўз ваколатларини суиистеъмол қилишда айбдор деб топилиб, 2 йилга озодликдан маҳрум этилди. Шунингдек, постнинг бошқа инспектори Махмадризо Шарипов ҳам «бепарволик» учун икки йилга озодликдан маҳрум этилган, бироқ апелляция шикоятидан кейин ҳукм жаримага ўзгартирилган.
Маҳкумлардан изоҳ олишнинг имкони йўқ, лекин уларнинг қариндошлари суд ҳукмидан норози эканликларини билдиришди.
Февраль ойида Афғонистон матбуоти Тожикистонда мусодара қилинган олтин ва миллионлаб долларлар Афғонистон парламенти раиси ўринбосари Муҳаммад Мирзо Катавозайга алоқадорлигини ва ҳозир у «бу воқеани кенг оммага ошкор қилмаслик учун барча саъй -ҳаракатларни амалга ошираётгани» ҳақида хабар тарқатди.
Мирзо Катавозайнинг ўзи Афғонистондан Тожикистон орқали 90 килограмм олтин ва 15 миллион долларни ноқонуний олиб ўтишда айбсизлигини эълон қилди. «Бу шунчаки бўлиши мумкин эмас, чунки мен сиёсатдаман, тадбиркор эмасман», деди у 28 -февраль куни «Озоди» радиосига. Кейинчалик маълум бўлишича, Мирзо Катавозай Афғонистон парламенти вице -спикери лавозимидан айрилган.