3 август куни қирғизистонлик курашчи Акжол Маҳмудов кумуш медални қўлга киритди. Бу Қирғизистоннинг 2008 йилдан буён Олимпия ўйинларида қўлга киритган биринчи медали. Спортчи Меэрим Жуманазарова (аёллар кураши) Қирғизистон захирасига яна битта медаль — «бронза»ни олиб келди. Бу мамлакатнинг медаллар жадвалидаги рейтингини кўтарди. 4 август куни Айсулуу Тинибекова «олтин» учун кураш олиб боради.
Айсулуу Тинибекова — Қирғизистоннинг энг титулли спортчиларидан бири. 2019 йилда Нур-Султонда кураш бўйича жаҳон чемпионатида у олтин медални қўлга киритди. Бу Қирғизистон тарихидаги ушбу мусобақадаги биринчи энг юқори медаль.
Биринчи ўринда Хитой (32 та олтин, 21 та кумуш ва 16 та бронза). Иккинчи ўринда АҚШ (24 олтин, 28 кумуш ва 21 бронза). Япония учинчи ўринда (19 олтин, 6 кумуш ва 11 бронза).
Марказий Осиё давлатлари орасида Ўзбекистон 28 ўринда (иккита олтин медаль, биттаси — бронза), Туркманистон — 70 ўринда (битта «кумуш»), Қозоғистон — 75 ўринда (иккита бронза). Тожикистонлик спортчилар мусобақани медаль олмаган ҳолда якунладилар.
Олимпия ўйинларида дунёнинг 200 дан ортиқ мамлакатидан 12 мингдан ортиқ спортчи иштирок этади. Мусобақада Қирғизистондан 16 спортчи иштирок этади. Ҳукумат олтин медални қўлга киритган спортчиларга ҳар бири 10 миллион, «кумуш» учун 7 миллион, «бронза» учун 5 миллион сом тўлашга ваъда берди.