Ссылки доступа

Токио олимпиадасида оғир атлетикачи Акбар Жўраев Ўзбекистонга иккинчи олтин медални туҳфа қилди


Токиода бўлиб ўтаётган ёзги Олимпия ўйинларининг ўн биринчи кунида 109 килограмм вазн тоифасидаги оғир атлетикачилар баҳсида иштирок этган ўзбекистонлик Акбар Жўраев Олимпия ўйинларининг олтин медалига сазовор бўлди.

Туризм ва спорт вазирлиги қайдича, силтаб кўтариш машқида ўз иштирокини 227 кг оғирликдан бошлаган Акбар Жўраев якунда бу кўрсаткични 237 килогача оширган ҳамда икки курашда 430 кило натижа билан олтин медални қўлга киритган. Шунингдек, ўзбекистонлик спортчи бу натижа билан Олимпиада рекордини ўрнатишга ҳам муваффақ бўлган.

Бу Токио олимпиадасида ўзбек спортчилари томонидан қўлга киритилган иккинчи олтин медалдир. Ёзги Олимпия ўйинларида илк олтин медални Ўзбекистонга таэквондочи Улуғбек Рашитов келтиргани ҳақида Озодлик аввалроқ хабар қилганди.

XS
SM
MD
LG