Бу ҳақда у ўзининг Инстаграм саҳифасида маълум қилди. Майгазиев 15 дақиқалик видеомурожаатида Дуйсебоеванинг кечирим сўрашига муҳтож эмаслигини, уни кечиришини ва «у видеони ўчирмаган бўлса ҳам» жиноят иши ҳақидаги баёнотини қайтариб олишини айтди.
«Ҳамма нарса Наврўзга боғлиқ (Чимкентда Наврўз байрамини нишонлаш учун харажатлар. — таҳр.) ... Пул қонуний асосда мақсадли ишлатилган. Мен пудратчилардан ҳисобот олдим. Фактлар Молиявий назорат қўмитаси ва Коррупцияга қарши кураш агентлиги томонидан текширилди», дейилади Майгазиев баёнотида.
Азаттик изоҳ олиш учун Дуйсебаевага мурожаат қилди. Фаолнинг айтишича, у ҳали ҳам Майгазиев расмийларнинг кўрсатмаси билан судга борганига ишонади.
- У бир неча бор судга бормасди, агар топшириқ олмаган бўлса, узр сўрамасди. Бугун ёки эртага экспертиза натижалари тайёр бўлиши керак эди ва 11 августда туҳмат бор ёки йўқлигини билиш керак эди. Энди буларнинг барчаси ҳеч кимга керак эмас, — дейди фаол.
Хонанданинг фаолга қарши даъвосига YouTubeга мартда ва апрель ойларида жойлаштирилган иккита видео сабаб бўлган. Видеода «Чимкентда Наврўз байрамини нишонлаш учун ажратилган 565 млн. ҳақида гап боради.
Даъвогар видеодаги тўртта ибора, жумладан, «давлат томонидан ажратилган 565 миллион тенгенинг йўқ бўлиб кетиши», «коррупцияга аралашиш — одамларга хиёнат», «коррупция» ва Майгазиевга қўйилган айбловлар «мавқега путур етказади», деб таъкидлади.