Ссылки доступа

БҰҰ: климаттың өзгеруінің салдары жаман болады (видео)


Адамзаттың әрекеті климатты өзгертіп қана қоймай, орны толмас зиян келтіріп жатыр, делінген БҰҰ-ның климаттың өзгеруі жөніндегі үкіметаралық сарапшылар тобы дайындаған есепте.

Баяндамаға сәйкес, соңғы 40 жылда Жердегі орташа температура бұның алдындағы 2000 жылдағыдан әлдеқайда көтерілген. 2011–2020 жылдары орташа температура көрсеткіштері 1850–1900 жылдардағы көрсеткіштен шамамен 1,1 градусқа көтерілген. Соңғы бес жыл 1850 жылдан бергі уақыттағы ең ыстық кезең деп танылды.

Баяндама авторларының пікірінше, алдағы онжылдықта әлемнің барлық аймағында климаттың өзгеруі әжептәуір сезіледі. Орташа температура көрсеткіші 1,5° C көтерілген уақытта, жылдың жылы мезгілдері ұзарып, суығы қысқара береді. Арктика 2050 жылға дейін жылына кем дегенде бір мәрте толық еруі мүмкін.

Мұздықтардың еруін ғалымдар адамзат ықпалымен түсіндірген.

2015 жылы БҰҰ аясында климат жөніндегі Париж келісімі қабылданды. Мақсат - климаттың жылуын 1,5 градус мөлшерінде ұстап тұру. Бірақ ғалымдар "бір жарым градус үшін күресте" жеңілдік деп отыр.

Бұл баяндама – "адамзаттың қызыл түсті дабылы", деп мәлімдеді БҰҰ бас хатшысы Антониу Гутерриш.

XS
SM
MD
LG