Ссылки доступа

АҚШ Сенати 3,5 триллион долларлик «Байден режасини» маъқуллади


Сенат США

АҚШ Сенати қашшоқликка қарши кураш ва атроф-муҳитни муҳофаза қилишга қаратилган 3,5 триллион долларлик бюджет режасини маъқуллади. Бу ҳақда Reuters хабар бермоқда.

Ҳужжат фақат демократлар томонидан қабул қилинган ва республикачилар томонидан деярли бир овоздан рад этилган — 50 дан 49. Партиялар Сенатни тенг тақсимлайдилар, лекин демократлар ҳар доим вице-президент Камала Харрис туфайли ҳал қилувчи овозга эга.

Ҳужжатнинг қабул қилиниши оилаларга ёрдам бериш, иш ўринлари яратиш ва иқлим ўзгаришига қарши кенг кўламли курашиш учун триллионлаб доллар ажратишга ваъда берган Жо Байден дастурининг асосий бандларидан бирини амалга ошириш йўлида калит ҳисобланади.

Ҳозирда демократлар қонун лойиҳасининг ўзини эмас, бюджет қарорини маъқулладилар. Бу махсус резолюциянинг аҳамияти шундаки, у бўлажак қонун лойиҳасини “филибастер«дан — қонун лойиҳасини самарали блокировка қилишга қаратилган процессуал кечикишлар яратилишидан ҳимоя қилади.

Назарий жиҳатдан, “филибастер” дан бошқа йўл билан қочиш мумкин эди: демократлар 10 республикачини лойиҳага овоз беришга қўшилишга ишонтиришлари керак эди, лекин аслида бу имконсиз эди. Энди Демократик партия оддий кўпчилик овоз билан овоз бериши етарли бўлади.

Бюджет қўмитаси раҳбари Берни Сандерс бу ташаббусни халқнинг Америка давлатига ишончини тиклаш учун имконият деб атади. Бошқа томондан, республикачилар, бу фақат маблағ исроф қилинишига, инфляциянинг ошишига ва «чап» иқтисодий сиёсатнинг ғалабасига олиб келишини таъкидламоқда.

Келаси ўн йил ичида 3,5 триллион доллар сарфланиши кутилмоқда. Лойиҳани молиялаштириш, шу жумладан, йирик корхоналарга солиқларни кўпайтириш ҳисобига амалга оширилиши керак. Асосий янгиликлардан бири углерод ёқилғиси импортига солиқ бўлади.

Сенат аэропортлар ва вокзалларнинг автомобиль ва темир йўлларини модернизация қилиш бўйича таклифлар пакетини 1 триллион доллар миқдорида қабул қилди. Бу президент Жо Байден учун муҳим қонуний ғалаба эди. Янги қонун лойиҳаси Конгресснинг юқори палатасида 69 та овоз олди, 30 таси қарши.

XS
SM
MD
LG