Тұрғындар бұны қысым деп есептесе, шенеуніктер отандық кәсіпкерлерге қолдау деп отыр.
Рудаки тұрғыны Сафармох Давлатоваға тамыз айында шығындалуға тура келеді. Баласын мектепке дайындау үшін кем дегенде 500 сомони (50 доллар) қажет. Сафармохта мұндай ақша жоқ.
"Базарға барайын десем мектептегілер киімді жәрмеңкеден алыңдар деп жатыр", - дейді ол.
Сафармох жәрмеңкеге барған, бірақ қажет киімдерді таппаған. "Бағасы қымбат, одан қалды бұл жерден іздегенімді таппадым. Киімді жәрмеңкеден алып, чекті бізге көрсетпесең, балаңның құжаттарын қабылдамаймыз дейді мектептегілер. Не істеу керек?" - дейді ана.
Бірнеше жыл бұрын Тәжікстанда бірыңғай мектеп формасын енгізген, бірақ тұрғындар киімді базардан сатып алатын немесе тапсырыспен тіктіретін. Енді мектеп формасын жәрмеңкеден алыңдар деген талап қойылып жатыр. Бұл мәселесі ата-аналар әлеуметтік желілерде де көтерді.
Тәжікстанның білім және ғылым министрлігі мұндай талапты заңсыз деп атады. Министрліктің баспасөз хатшысы Эхсони Хушбахттың айтуынша, "ата-аналарға чек көрсетіңдер деген талап болмаған". Ол мәселені анықтауға уәде берді.
