Ссылки доступа

ЎМИ муфтий Усмонхон Алимовнинг Москвадаги муолажаси давом этаётганини билдирди


71 ёшли муфтий Усмонхон Алимов Ўзбекистон мусулмонлари идорасини 15 йилдан буён (2006 йил августидан бери) бошқариб келади

Ўзбекистон мусулмонлари идораси раиси, муфтий Усмонхон Алимов Москва шаҳридаги клиникалардан бирида ўпка ва қон томир касалликлари, хусусан ўпка пневмонияси бўйича муоалажа олишни давом эттиряпти. Бу ҳақда ЎМИ матбуот хизмати маълумот тарқатди.

Диний идора қайдича, айни кунларда муфтийнинг аҳволи барқарор, даволаш тадбирлари тажрибали шифокорлар томонидан тиббиёт соҳасининг илғор ютуқларини қўллаган ҳолда давом эттирилмоқда.

“Муфтий ҳазратлари тезроқ соғайишлари, халқимиз, мўмин-мусулмонлар ва яқинлари бахтига соғ-омон бўлишларини Ҳақ таолодан дуо қилиб, сўраб қоламиз”, дейилган ЎМИ хабарномасида.

71 ёшли муфтий Усмонхон Алимов Москва шаҳрида ўпка ва қон томир касалликлари муолажасини ўтаётгани ҳақида Озодлик қарийб уч ҳафта муқаддам хабар қилган.

XS
SM
MD
LG