«Йўллар, аэропортлар ва чегаралар очиқ қолиши керак ва тинчлик сақланиши керак. Афғонистон халқи хавфсиз ва қадр-қиммат билан яшашга лойиқ» ва халқаро ҳамжамият аъзолари уларга ёрдам беришга тайёр, дейилади АҚШ Давлат департаменти тарқатган қўшма баёнотда.
Якшанба куни Толибон Афғонистон пойтахти Кобулни жангсиз эгаллаб олди ва президент саройини эгаллади. Афғонистон президенти Ашраф Ғани мамлакатни тарк этди.
Кобулда комендантлик соати жорий этилди. Ғарб контингентлари қолдиқлари билан ҳимояланган аэропорт якшанба куни дипломатлар учун вақтинчалик базага айланди. У ерда АҚШ, Франция ва Германия дипломатик ходимлари жойлашган. Шунингдек, аэропортда мамлакатни тарк этишга уринаётган минглаб одамлар бор. Якшанба кунги отишма ортидан тижорат рейслари бекор қилинди.
Душанба куни юзлаб одамлар тўсиқларни кесиб ўтиб, Афғонистондан учиб чиқиш учун пандусларга чиқишга ҳаракат қилишди. АҚШ ҳарбийлари Кобул аэропортидаги аэродромга бостириб кирган оломонни тўхтатиш учун ҳавога огоҳлантирувчи ўқ уза бошлади.
Пентагон АҚШ фуқаролари ва АҚШ билан ҳамкорлик қилган афғонларни эвакуация қилишда ёрдам бериш учун Кобулдаги аэропорт яқинидаги Америка контингентини 6000 аскаргача кўпайтиришини билдирди.
Россиянинг Кобулдаги элчихонаси эвакуация қилинмаслигини ва ишлашда давом этишини билдирди. Марказий Осиё давлатлари элчихоналари ҳам ўз ишини Афғонистонда давом эттирмоқда.
Толибон вакили “Ал -Жазира» телеканалига берган интервьюсида Афғонистонда уруш тугаганини ва яқин орада мамлакатда бошқарув шакли аниқланишини айтди. Аввалроқ икки манбанинг Reuters агентлигига айтишича, мамлакатда ўтиш даври ҳукумати бўлмайди ва толиблар ҳокимиятни тўлиқ ўтказилишини кутишади.
Толибон сиёсий бюроси матбуот котиби Муҳаммад Наимга кўра, Толибоннинг мақсади ҳеч қандай дипломатик миссия эмас. Унинг сўзларига кўра, Толибон Афғонистондаги фуқаролар ва хорижий миссиялар хавфсизлигини кафолатлайди, шунингдек, мамлакатдаги барча сиёсий арбоблар билан мулоқотга тайёр. У, шунингдек, Толибон аёллар ва озчиликларнинг ҳуқуқларини ҳурмат қилишини айтди, лекин фақат шариат доирасида.
Толибон Афғонистоннинг кўп қисмини 1996 йилдан 2001 йилгача, АҚШ ва унинг иттифоқчилари олиб борган операция натижасида ҳаракат мамлакат назоратини йўқотиб қўйган. Толибоннинг ҳозирги ҳужуми АҚШнинг мамлакатдан чиқиб кетиши арафасида бошланган, у август ойининг охиригача тугаши керак.