Ссылки доступа

Қозоғистон ТИВ: Афғонистондаги қозоқлар сони ҳақида аниқ маълумотлар йўқ, 200 га яқин бўлиши мумкин


Боевики группы «Талибан» в Афганистане

Афғонистонда яшовчи этник қозоқлар сони ҳақида аниқ маълумот йўқ, деди Қозоғистон Ташқи ишлар вазирлиги. Вазирлик маълумотларига кўра, Толибон назорати остидаги мамлакатда этник қозоқларнинг 15 га яқин оиласи истиқомат қилади.

«Баъзи Қозоғистон оммавий ахборот воситалари Афғонистонда бир неча ўн минглаб этник қозоқлар яшайди деган нотўғри маълумот тарқатишди. Бу тўғри эмас», — деди 18 август куни Қозоғистон Ташқи ишлар вазирлиги матбуот котиби Айбек Смадияров. — Бизнинг маълумотимизга кўра, [Афғонистонда] 15 та оила бор. Бу тахминан 200 киши. Биз аниқроқ билмаймиз. Афғонистоннинг чекка ҳудудларида, биз билмайдиган, 19 асрда кўчиб келган бошқа оилалар бўлиши мумкин.

Смадияров чоршанба куни бўлиб ўтган брифингда Қозоғистон президенти Қосим-Жомарт Токаев вазирликка хавфсизликни таъминлаш ва этник қозоқларни тарихий ватанларига қайтариш бўйича ёрдам беришни «топширганини» айтди. Ташқи ишлар вазирлиги Қозоғистонга кўчиб ўтишни истаган қозоғистонликларга рухсат олишдан олдин, улар қонуний тартибда ўтиши кераклигини айтди, чунки бу одамлар «этник қозоқлар бўлсада, Афғонистон фуқаролари бўлиб қоладилар».

Қозоғистон Республикаси Ташқи ишлар вазирлиги, шунингдек, сўнгги кунларда ўзларини этник қозоқ деб таништирган, лекин миллатини исботлай олмайдиган фуқаролар Қозоғистоннинг Кобулдаги элчихонасига мурожаат қилишаётганини айтди.

«Улар ҳеч қандай далил келтира олмайдилар. Улардан баъзилари қозоқ тилини билишмайди ва ота -боболарининг Афғонистон ҳудудига кўчиб ўтиш тарихи ва қабилавий алоқалар ҳақида маълумотга эга эмас», — дейди Смадияров.

Унинг қўшимча қилишича, элчихонадаги махсус комиссия талабгорлар баёнотларининг ишончлилигини кўриб чиқади.

XS
SM
MD
LG