Ссылки доступа

Толибон Кобул аэропортига киришни тўсиб қўйганликда айбланмоқда


Толибон Кобул аэропортига борадиган йўлни тўсиб қўйиши ва мамлакат Мустақиллик куни зўравонлик бошланишига айланиши мумкинлиги ҳақидаги хавотир ортиб, бир қанча ҳукуматлар ўз фуқаролари ва улар билан бирга ишлаган афғонларни Афғонистондан эвакуация қилишни кучайтирмоқда.

15 август куни Толибон пойтахтни эгаллаб олганидан сўнг, минглаб одамлар Афғонистонни тарк этишга ҳаракат қилишди, шундан сўнг, тезкорлик билан уюштирилган ҳужум натижасида мамлакат шаҳарлари ўз назоратига олинди.

Толибон етакчилари тинчликни хоҳлашларини ва шариат доирасида инклюзив ҳукумат тузишларини, рақибларига қарши қасос олмасликка ваъда беришди. Аммо, Кобулдан олинган хабарларга кўра, Толибон жангчилари 19 август куни пойтахт аэропорти атрофидаги назорат пунктларини босиб олишган ва ҳатто парвоз ҳужжатлари бўлган афғонларга ҳам учишга рухсат бермаган.

Аэропорт ва унинг атрофида жами 12 киши ҳалок бўлган, дейди Толибон.

19 август куни Афғонистон Мустақиллик кунини нишонламоқда ва мамлакатда вазият кескинлигича қолмоқда. Бир кун олдин, шарқдаги Жалолобод шаҳрида Толибон ҳукмронлигига қарши ўтказилган намойиш зўравонликка айланди. Жалолободдаги митинг Толибон Кобулни эгаллаб олганидан кейин жамоавий итоатсизликнинг биринчи йирик намойиши бўлди.

XS
SM
MD
LG