Ссылки доступа

Байден Кобулдан эвакуацияни 31 августгача якунланишни режалаштирмоқда


В аэропорту Кабула
В аэропорту Кабула

АҚШ президенти Жо Байденнинг айтишича, америкаликлар ва уларнинг иттифоқчиларини Афғонистондан эвакуация қилиш операциясининг қийинчиликларига қарамай, у ҳали ҳам белгиланган сана — 31 августгача якунланишини кутмоқда.

Якшанба куни Оқ уйда сўзлаган Байден, август ойининг ўрталаридан бошлаб, Кобул Толибон томонидан ишғол қилинганидан бери Қўшма Штатлар аллақачон Афғонистон пойтахтидан ҳаво орқали 28 мингга яқин одамни эвакуация қилганини айтди. — Америкаликлар ва бошқа давлатлар фуқаролари, Толибоннинг репрессияларига дуч келиши мумкин бўлган афғонлар. Шунингдек, АҚШ иттифоқчилари самолётлари ёрдамида бир неча минг киши эвакуация қилинган.

Байденнинг таъкидлашича, толиблар АҚШ армиясига ҳужум қилмайди ва умуман эвакуацияга аралашмайди. Шу билан бирга, у, агар АҚШ шериклари бу ҳақда сўраса, эвакуация тугашининг охирги муддати — 31 августни ҳамон кечиктириш керак бўлиши мумкинлигини истисно қилмади. Бу мавзу 24 август куни G7 онлайн саммитида муҳокама қилиниши кутилмоқда.

Кобулда қанча одам эвакуация қилинишини кутаётгани ҳақида аниқ маълумот йўқ. Минглаб афғонистонликлар аэропорт ташқарисида тўпланишди ва мамлакатни тарк этишни хоҳлашди, лекин уларнинг ҳаммаси ҳам эвакуация мезонларига мос келмаган кўринади. Аэропортга киришга уринишлар драматик саҳналар билан бирга келади; ўтган ҳафта мобайнида 20 га яқин афғонистонлик Кобулда ва унинг четида ҳалок бўлган.

Журналистларнинг саволларига жавоб бериб, Байден АҚШ армияси тахминан 20 йил бўлган Афғонистондан қўшинларини олиб чиқиш қарорини яна ҳимоя қилди. Америка Қўшма Штатлари президентига кўра, мамлакатда абадий қолиш ва Толибон билан қонли уруш олиб бориш АҚШ манфаатларига тўғри келмаган.

XS
SM
MD
LG