Ссылки доступа

Байден Кабулдан азаматтарды эвакуциялау мерзімін ұзарту мүмкін


АҚШ президенті Джо Байден бір тәуліктің ішінде Кабулдағы америкалық азаматтарды және Құрама Штаттармен жұмыс істеген ауғанстандықтарды шығарып алу мерзімін ұзарту бойынша шешім шығаруы мүмкін. Бұл туралы Reuters агенттігі Ақ үйдегі дереккөзіне сілтеме жасап хабарлады.

Өткен аптада Байден америкалық әскерлер 31 тамызға дейін Ауғанстаннан толық шығарылатынын, оған дейін өлкеден он мыңдаған адамды эвакуациялау істері аяқталуы тиіс екенін мәлімдеген.

Бірақ жексенбі күні президент Ауғанстанда америкалық әскерлер 31 тамыздан кейін де қалуы мүмкін екенін айтқан.

Дүйсенбі күні "Талибан" қозғалысының өкілдері америкалық әскерлерді шығару мерзімін созу кері әсерін тигізетінін ескерткен. Ал Ұлыбритания Вашингтонды эвакуациялау операциясы аяқталғанға дейін Ауғанстаннан әскерін шығармай тұруға шақырған.

Бүгін "Үлкен жетілік" ұйымына мүше елдер онлай конференцияда осы мәселені талқылайды.

XS
SM
MD
LG