Ссылки доступа

АҚШ: Ауғанстандағы әскери операцияны 31 тамызға дейін аяқтауды көздейміз


Джо Байден

Вашингтон америкалық әскерлердің Ауғанстандағы барлық операцияларын, оның ішінде шетелдік азаматтар мен бірқатар ауғанстандықтарды өлкеден шығару істерін 31 тамызға дейін аяқтауға тырысады. Осылай деп Құрама Штаттардың президенті Джо Байден мәлімдеді.

Оның сөзінше, операциялардың аталған мерзімге қарай бітер-бітпесі тәліптермен өзара қарым-қатынасына байланысты болады.

"АҚШ-тың қорғаныс министрлігі мен мемлекеттік департаментіне қайрылып, америкалық әскерлердің Ауғанстаннан кетуіне байланысты тосын жағдайлар үшін жоспар құруды сұрадым. Біз әлі қаншалықты көп болсақ, теракті қаупі де соншалықты жоғары болады", - деді Байден.

24 тамызда Ұлыбритания премьер-министрі Борис Джонсон "Үлкен жеткілік" ұйымының онлайн жиналысында сөз сөйлеп, Ауғанстаннан барлық америкалық әскерлерді шығару мерзімі ұзартылмай, сол 31 тамызда қалуы мүмкін екенін айтқан.

Осыған дейін бірқатар ақпарат агенттіктері өз бұлақтарына сүйеніп, Байден Пентагонның ұсынысымен америкалық әскерлерді Ауғанстаннан шығару мерзімін ұзартпай отырғанын жазған. Ақпаратқа қарағанда, АҚШ-тың қорғаныс министрлігі бұл датадан кейін Кабул әуежайындағы әскери қызметкерлердің қауіпсіздігіне кепілдік бере алмайтынын айтқан.

XS
SM
MD
LG