Ссылки доступа

Америка разведкаси COVID-19 нинг келиб чиқиши тўғрисида аниқ хулоса бера олмайди


Охрана у института вирусологии в Ухане

Америка разведкаси COVID-19 нинг келиб чиқиши тўғрисида аниқ хулоса бера олмайди, деб хабар беради Америка матбуоти.

Оммавий ахборот воситаларининг хабар беришича, 24 август, сешанба куни Оқ уйга тақдим этилган АҚШ разведкаси ҳисоботида айтилишича, пандемияга сабаб бўлган коронавирус сунъийми ёки табиийми, деган савол қисман очиқ қолмоқда, чунки Хитой ҳукумати маълумот беришдан бош тортди.

Асосий версияга кўра, янги коронавирус билан касалланиш манбаи Хитойнинг Ухан шаҳрида бозорда сотиладиган ёввойи ҳайвонларнинг гўшти бўлган. Биринчи инфекция ҳолатлари 2019 йил декабрь ойида қайд этилган. Бироқ, Трамп маъмурияти, ўз терговлари натижасида, 2019 йилнинг кузида Ухандаги Вирусология институти ходимлари COVID-19га ўхшаш аломатлар билан касалхонага ётқизилгани ҳақида маълумот олди. Кейинчалик маълум бўлишича, Хитой расмийлари инфекция манбасини аниқлашга уринаётган Жаҳон соғлиқни сақлаш ташкилоти мутахассисларига тўсқинлик қилган.

Шу йилнинг баҳорида бир нечта олимлар очиқ хат ёзиб, бу вирус табиатда бўлганми ёки лабораторияда яратилганми ва бехосдан чиқарилганми, деган савол очиқ қолмоқда, дея жавоб талаб қилди.

АҚШ разведкаси махфий ҳисоботи президент Байденнинг буйруғи билан тайёрланган. Wall Street Journal хабарига кўра, у лаборатория маълумотлари, вирус геномининг намуналари ва бошқа маълумотларни алмашишдан бош тортадиган Хитойсиз ҳамкорлик зарурлигини таъкидлайди, уларсиз вируснинг келиб чиқишини ишончли аниқлаш мумкин эмас. «Агар Хитой маълум маълумотларга киришни таъминламаса, биз ҳеч қачон ҳақиқатни билмаймиз», — деб ёзади газета АҚШ маъмурияти вакилининг сўзларидан.

XS
SM
MD
LG