Ҳужжат Вазирлар Маҳкамасининг расмий сайтида эълон қилинди.
Унда қайд этилишича, коррупция ҳақида хабар берган шахс бу ҳолатда қайтарилган ва давлат томонидан олинган сумманинг 10% миқдорида бир марталик пул олади. Бироқ, мукофот миқдори бир миллион сомдан (тахминан 1200 доллар) ошмайди.
Мукофот ҳақини олиш учун маълум шартлар зарур — коррупция ҳуқуқбузарлиги тўғрисидаги маълумот, қонуний кучга кирган суд ҳужжати ва давлатга етказилган моддий зарарни қоплашни тасдиқловчи комиссия қарори бўлиши лозим.
Қайд этилишича, «Коррупцияга оид ҳуқуқбузарликлар тўғрисида хабар берган шахсларни ҳимоя қилиш тўғрисида»ги қонунни амалга ошириш учун ҳақ тўлаш тартиби ишлаб чиқилган.
Қонун 2019 йил январь ойида кучга кирди. Бу қонун лойиҳасининг асосий ташаббускори «Ата Мекен” фракциясидан Жўқорғи Кенгесининг собиқ депутати Айда Салянова эди, у бу қонун лойиҳасини 2016 йилда бошқа бир гуруҳ депутатлар билан биргаликда ишлаб чиққан, бироқ ўша пайтдаги давлат раҳбари Алмазбек Атамбаев қонун лойиҳасини рад этган, уни қайта кўриб чиқиш учун парламентга қайтарган. Шу муносабат билан келишув комиссияси тузилди, у лойиҳанинг янги таҳририни ишлаб чиқди. 2019 йил 29 январда қонун Сооронбай Жээнбеков томонидан имзоланди.
Иқтисодиёт ва молия вазирлиги коррупцияга оид ҳуқуқбузарликлар ҳақида хабар берган шахсларга пул мукофоти тўлаш тартиби тўғрисидаги Вазирлар Маҳкамасининг қарори лойиҳасини жамоатчилик муҳокамасига тақдим этди.