Ссылки доступа

Эмомали Рахмон: мектептерде оқу жылы 1 маусымда аяқталуы тиіс


Тәжікстан президенті Эмомали Рахмон ата-аналардың жаз мезгілінде оқу бағдарламасын қысқарту туралы өтінішіне мектептерде оқу жылын 1 маусымда аяқтауды ұсынды.

1 қыркүйекте Душанбедегі мектептердің бірінің ашылуына қатысқан мемлекет басшысы білім беру министрлігі үкіметке тиісті ұсыныс беруі қажет екенін айтты.

Биыл маусым айында Душанбеде ата-аналар қала басшысы Рустами Эмомалиге хат жолдап, жаз кезінде оқушыларға маусымның ортасына дейін оқуға ауыр болатынын жеткізген.

Осыдан кейін Тәжікстанның білім беру министрлігі 1 сынып оқушылары жазғы демалысқа 3 маусымда, 2-11 сынып оқушылары 7 маусымға қарай шығатынын мәлімдеген.

2013 жылға дейін Тәжікстанда оқу жылы 25 мамырда аяқталып, сол күні мектептерде соңғы қоңырау соғылатын. Бірақ кейін оқу жылы 7 маусымға дейін, сосын 14 маусымға дейін ұзартылған.

XS
SM
MD
LG