Ссылки доступа

Қазақстанда ковидқа қарсы вакцина алмағандарды жұмысқа жібермейді


Қазақстанның бас санитар дәрігері 6 қыркүйектен бастап COVID-19 вирусына қарсы вакцина алмағандарды жұмысқа жібермеу жөнінде қаулы шығарды.

Вакцинаға қарсы көрсетілімі бар және соңғы үш ай ішінде коронавируспен ауырған азаматтар екпе алмауына болады. Қалған вакцина салдырмаған азаматтар бір апта сайын ПТР тест тапсыруға (15 доллар тұрады) міндетті.

Қаулы талабын әсіресе қызмет көрсету және сауда орындарында жұмыс істейтіндер орындауға міндетті. Оған халыққа қызмет көрсету орталықтары, пошта қызметі, банк, сақтандыру ұйымдары, валюта айырбастау қызметі, жылжымайтын мүлік агенттіктері, фитнес-орталықтар, сауна, бассейндер, сұлулық салондары, киім және аяқкиім жөндеу қызметі, нотариалдық конторлар, базар, сауда үйі, ойын-сауық кешені, музей, кітапхана, театр, кинотеатр, галерея, цирк, автостанциялар, вокзал, әуежай, қонақүй, демалыс орындары, дәріхана және қоғамдық тамақтану орындары кіреді.

Денсаулық сақтау министрлігі қыркүйек айынан бастап шамамен 10 миллион адамға вакцина саламыз деп отыр. 4 қыркүйектегі мәлімет бойынша, 19 миллион халықтың тек 5,6 миллионы екпе алған. Бір компонентін 6,7 миллион адам алған.

Халық арасында вакцинаға қарсылар бар. Аймақтарда міндетті вакциналауға қарсы акциялар ара-тұра өтіп жатыр.

XS
SM
MD
LG