Мудофаа вазирлигининг билдиришича, 6 сентябрда бошланган машғулотлар “авиациянинг интенсив учиш ҳудудларида” олиб борилмоқда. Машғулотларга Термиз полигонида старт берилди.
Вазирлик машғулотлардан мақсад “йиғилган тажрибани янада бойитиш, жанговар ҳаракатларни режалаштиришда олинган малакани мустаҳкамлаш” эканини ҳам маълум қилди.
Толибон 15 августда Кобулни эгаллагани ортидан мазкур ҳудудга Афғонистоннинг юзлаб ҳарбийлари самолёт ва вертолётлар учиб ўтгани билдирилган эди. Кейинроқ Бош прокуратура бу борада ўзи тарқатган хабарни инкор қилган.