Олий суд матбуот хизматининг билдиришича, судланувчи Жиноят кодексининг 97-модаси (қасддан одам ўлдириш) 1-қисми билан айбдор деб топилди. У айбига тўлиқ иқрор бўлгани, уйланмагани каби ҳолатлар инобатга олиниб, 10 йил муддатга кесилди.
Суднинг маълум қилишича, 2021 йилнинг 16 март куни соат 02:00 да 25 ёшли ўғил 47 ёшли онасини бегона эркакдан рашк қилиб пичоқлаб ўлдирган.
Шундан сўнг у онасининг жасадини ўзи яшаб келган хонадоннинг ертўласига кўмиб қўйган ва 17 март куни ички ишлар органига онаси йўқолгани тўғрисида ариза ёзган.
Қидирув ва текширувлар натижасида аёлнинг жасади ертўладан топилган.
Билдирилишича, эри билан ажрашган аёл бегона эркакларни мунтазам ўз уйига олиб келган. Бу эса она ва ўғил ўртасида доимий жанжалларни келтириб чиқарган.
Тошкент шаҳар Шайхонтоҳур туман суди онасини пичоқлаб ўлдирган ўғилни 10 йилга озодликдан маҳрум қилди.