Ижодкор Асхат Ахмедияров шаман либосида бошқа фаоллар билан бирга кўл бўйига тупроқ олиб келаётган юк машиналарининг сув омборини тўкиб ташлашига тўсқинлик қилди.
Тупроқ юкланган юк машиналари ҳайдовчилари намойишчиларга яқинлашдилар, лекин тез орада машиналарни тескари буришди. Юк машиналари ўтиб кета олмагач, масъул шахслар ўша жойга етиб келишди. Ўзини Мурат Отиншиев деб таништирган одам, фаоллар билан аввал гаплашганини ва бу иш қонуний олиб борилаётганига ишонтирганини айтди. Унга кўра, кўл дренажланиб, турар-жой мажмуаси қурилганидан сўнг, ҳудуд ободонлаштирилади.
Асхат Ахмедияров Озодлик билан суҳбатда, бу ҳаракатдан кейин ҳудудни қайта тўлдириш тўхтатилишини кутмаганини, лекин бу ҳаракат кўл ҳимоячилари сонини кўпайтиришга ёрдам беришига умид билдирганини айтди.
- Бу Кичик Талдйколни тўлдиришни тўхтатиш бўйича охирги уринишимиз. Бу ерда ишлар ноқонуний олиб борилмоқда. Бу аниқ, акс ҳолда бизни милиционерлар қуршаб олишган бўларди, — деди Асхат Ахмедияров.
Ойгерим Оспаннинг сўзларига кўра, кўлни тўкиш бўйича ишлар қонун ёрдамида тўхтатилиши мумкин.
Кичик Талдикол кўли пойтахтнинг чап қирғоғида жойлашган. Фаолларнинг фикрича, кичик кўл бу ердаги ўсимлик ва ҳайвонот дунёсининг сақланишига ҳисса қўшади. Кичик, кўп қаватли турар-жой мажмуасини қураётган ҳокимият ходимлари ва хусусий қурилиш компанияси кўлни дренажлаш ва уни қуриш атроф-муҳитга зарар етказмаслигини айтади.