Ссылки доступа

Норильскдаги ўқув машғулоти пайтида Россия фавқулодда вазиятлар вазири ҳалок бўлди


Россия фавқулодда вазиятлар вазири, Хавфсизлик кенгаши аъзоси Евгений Зиничев Норильскдаги ўқув машғулоти пайтида бир кишини қутқараётган пайтда ҳалок бўлди.

Россияда Евгений Зиничев ўз хизмат вазифасини ўтаётганида ҳалок бўлган биринчи вазир бўлди.

РБКнинг хабар беришича, Зиничев ўқув машғулоти пайтида тасвирга олиш ишларини олиб бораётган оператор жарга қулаётганида уни қутқармоқчи бўлган. Аммо вазир оператор билан бирга жарга қулаган.

55 ёшли Зиничев 2018 йилда фавқулодда вазиятлар вазири лавозимига тайинланган. 1987 йилдан СССР КГБсида ишлаган Зиничев 2006-2015 йилларда президент Путиннинг шахсий тансоқчиси бўлган.

2015 йилнинг июнида у Калининград вилоят Федерал хавфсизлик бошқармаси бошлиғи, бир йил ўтгач вилоят губернатори бўлган. Аммо орадан уч ой ўтгач у ўз аризаси билан губернаторликдан кетган ва Федерал хавфсизлик хизмати раҳбари ўринбосари лавозимига тайинланган.

XS
SM
MD
LG