Бу ҳақда Олий ва ўрта махсус таълим вазирлиги матбуот хизмати маълумот тарқатди.
Қайд этилишича, куни кеча 2021/2022 ўқув йили учун ОТМларда таълим йўналишлари бўйича битта талабани тўлов-контракт шаклида бир йиллик ўқитиш қиймати миқдорлари тасдиқланган.
Вазирлик бу чора пандемия шароитида республика аҳолисининг тўлов қобилияти пасайганлигини ҳисобга олиб, фарзанди тўлов-контракт асосида ўқийдиган оилаларга енгиллик яратиш ва уларни қўллаб-қувватлаш мақсадида истисно тариқасида қабул қилинаётганини урғулаган.
Олий ва ўрта махсус таълим вазирлиги илова қилган қиёсий жадвалда 10 фоиз бонусли (енгиллаштирилган) базавий тўлов-контракт миқдорининг 2020/2021 ўқув йили учун белгиланган базавий тўлов-контракт миқдорига тенг эканини кўриш мумкин.