Галги партия билан Ўзбекистонга етказилган AstraZeneca вакцинаси захираси 1 миллион 594 минг 480 дозага етган. Бундан 660 минг дозаси март ойида, 50 июнь ойида, 276 минг 480 дозаси август ойида, 356 минг дозаси эса шу ой, аниқроғи 11 сентябрь куни олиб келинган.
Аввалроқ Озодлик душанба куни Ўзбекистонга 1 миллион 200 минг доза Pfizer/BioNTech вакцинаси келтирилгани ҳақида хабар қилган.
Шу тариқа мамлакатда коронавирусга қарши вакциналар захираси 24 миллион 254 минг 540 дозага етган. AstraZeneca ва Pfizer/BioNTech вакциналаридан ташқари Ўзбекистонга ZF-UZ-VAC2001 вакцинасидан 18 миллион доза, Спутник V вакцинасидан 460 минг доза, Moderna вакцинасидан эса 3 миллион 60 доза олиб келинган.
Мамлакатда коронавирусга қарши эмлаш жараёни шу йил 1 апрелидан бошланган. ССВ маълумотига кўра, шу кунгача Ўзбекистонда тўлиқ эмланган фуқаролар сони 3 миллион нафардан ошган.
Жорий йилнинг 13 сентябрь оқшомида Тошкентга AstraZeneca вакцинасидан яна 252 минг доза келтирилди. Бу ҳақда маълумот тарқатган Соғлиқни сақлаш вазирлиги матбуот хизматига кўра, мазкур партия Польшадан олиб келинган.