«Агар битта бола касал бўлиб қолса, бутун синф икки ҳафта давомида карантинга қўйиладиган алгоритм тасдиқланган. Икки ҳафтадан сўнг улар мактабга қайтиб, нормал шароитда ўқийдилар», — деди Олмаота вилояти ҳокимининг ўринбосари Ботиржон Байжуманов брифингда.
Янги ўқув йили бошидан бери 422 ўқувчи ва 47 ўқитувчи коронавирус билан касалланган.
Олмаотада 89 талабада инфекция аниқланди. 8 сентябрь ҳолатига кўра, вирус мамлакат бўйлаб 426 ўқувчида аниқланган.
1 сентябрдан бошлаб Қозоғистонда кўпчилик мактаб ўқувчилари одатдагидек мактабга қайтишди.
Аввалроқ, расмийлар октябрь ойида 12 ёшдан ошган болалар ва ҳомиладор аёллар Ғарб компаниялари томонидан ишлаб чиқилган Pfizer / BionTech вакцинаси билан коронавирусга қарши эмланишини айтишганди. Соғлиқни сақлаш вазирлиги ҳеч кимни эмлашга мажбурламаслигини ва эмлашлар ота-онасининг рухсати билан амалга оширилишини айтди.
Олмаота вилоятининг 120 та мактабида коронавирус аниқланди, 2,5 минг ўқувчи карантинга олинди. Бу ҳақда маҳаллий ахборот агентликлари вилоят ҳокимиятига таяниб хабар берди.