Ссылки доступа

Ресей президенті карантинге кетті


Ресей президенті Владимир Путин айналасындағылардың коронавирусқа шалдығуына байланысты оқшаулау режиміне көшетінін мәлімдеді.

Кремль сайтындағы мәліметке қарағанда, Путин бұл жөнінде Тәжікстан президенті Эмомали Рахмонмен телефон арқылы сөйлескен кезде хабарлаған.

Ресей президенті 15 қыркүйекте Душанбеде өтетін ҰҚШҰ мен ШЫҰ саммитіне бармайды, ол оған қашықтан қатысады.

Путин өзінің карантинге кетуі мүмкін екенін жақында паралимпиада спортшыларымен кездесу кезінде айтқан.

"Тіпті менің айналамдағылар арасында ковидпен мәселе туындап жатыр. Шын мәнінде не болып жатқанын анықтау керек... Менің ойымша, жуырда өзімнің де карантинге кетуіме тура келеді. Бізде айналада көп адам ауырып жатыр" деді ол.

Бұған қатысты түсініктеме берген Кремльдің баспасөз хатшысы Дмитрий Песков Путин "бейнелеп айтты" деп мәлімдеген.

Биыл көктемде Путин Ресейде шығарылған "Спутник V" вакцинасын салдырғанын айтқан болатын.

XS
SM
MD
LG