Уларнинг сўзларига кўра, шу кунларда тиббиёт ходимлари вакцина қабул қилинганлигини тасдиқловчи сертификатлар бериш учун фуқаролардан 10 манат (2,9 доллар) талаб қилмоқда. Тўлов квитанциялари берилмайди.
Айни пайтда Туркманистонда COVID-19 ва унинг оқибатларидан вафот этганлар сонининг мисли кўрилмаган кўпайиши кузатилмоқда, шу сабабли Ашхобод ва мамлакатнинг бошқа вилоятларида вакцинага қарши эмлаш ишлари жадал суръатларда олиб борилмоқда.
Фуқаролар яшаш жойидаги поликлиникаларда ёки шифохоналарда давлат томонидан тақдим этилган бепул вакцинани олишлари мумкин.
Бир неча пойтахт аҳолисининг сўзларига кўра, масъулиятли тиббиёт ходимлари, жумладан, шифокорлар ва ҳамширалар бу вазиятдан «ўз манфаатлари йўлида» фойдаланишмоқда.
«Расмий равишда коронавирусга қарши эмлаш аҳолига текин берилган бўлсада, тиббиёт ходимлари бундан чўнтакларини тўлдириш учун фойдаланадилар. Эмлашни олгач, эмлаш гувоҳномаси учун 10 манатдан талаб қилишади. Агар сиз бу пулни бермасангиз, эмловни олган бўлсангиз ҳам, сизга сертификат берилмайди. Шунингдек, улар 10 манатлик квитанция беришдан бош тортишади», — деди исмини ошкор қилмасликни хоҳлаган Ашхободлик 14 сентябрь куни мухбиримизга.
Унинг сўзларига кўра, ноқонуний товламачилик бу билан тугамайди. Эмлаш гувоҳномасини олгандан сўнг, уни чоп этиш учун тиббий муассасанинг бошлиғига олиб бориш керак, у ерда улар яна 1 манатдан талаб қилишади.
Ҳозирги вақтда эмлаш гувоҳномаси бўлмаган фуқаролар жамоат жойларига, шу жумладан иш, самолёт ва поездларга киритилмайди. Шу сабабли, аҳоли вакцина олишга ҳаракат қилмоқда.
Шу йилнинг 7 июлида Туркманистон 18 ёшдан ошган барча фуқаролар учун мажбурий коронавирус эмлашини эълон қилди. Туркманистон аҳолиси рус вакцинаси билан аҳолини эмлашни бошладилар, лекин тез орада аҳолининг катта қисми Хитойда ишлаб чиқарилган вакциналарни қабул қила бошлади.
Ҳозирги вақтда Ашхобод аҳолисига асосан Хитойнинг Sinopharm кампаниясининг Bio VeroCell номли вакцинаси бепул таклиф қилинмоқда.
Лекин, манбаларга кўра, агар сиз шифокорга 200 манат (57 доллар) пора берсангиз, Россияда ишлаб чиқарилган Спутник В вакцинасини олишингиз мумкин.
Туркманистонда, мамлакат аҳолисининг фикрича, коррупция инсон ҳаётининг барча соҳаларида илдиз отган, пора бола туғилиш уйларида туғилганидан, болалар боғчалари ва мактабларга рўйхатга олиниши учун, олий ўқув юртларига қабул қилинганда ва ишга жойлашгунгача талаб қилинади.
Халқаро ташкилотларнинг коррупция ҳақидаги ҳисоботларида Туркманистон йилдан-йилга кескин танқид қилинади.
“Transparency International” ташкилотининг 2020 йилдаги дунёдаги коррупция ҳолати тўғрисидаги ҳисоботида Туркманистон 180 мамлакат орасида 165 ўринни эгаллади.
Ашхободликлар мамлакат ҳаётининг барча соҳаларида ва бутун инсониятга таҳдид солаётган глобал пандемия даврида коронавирусга қарши вакциналарни қабул қилишда коррупцияга дуч келишди.