Туркманистон келаси ой Туркий тилли давлатлар ҳамкорлик кенгашининг (Турк кенгаши) тўлиқ ҳуқуқли аъзосига айланиши кутилмоқда. Бу ҳақда Репорт.аз нашри Адолат ва тараққиёт партияси (АТП) раиси ўринбосари, Туркия бош вазири Бинали Йилдиримга таяниб хабар берди.
Туркия Кенгашининг 8 саммити 12 ноябрь куни Туркиянинг Истанбул шаҳрида бўлиб ўтади.
Озарбайжон нашрининг ёзишича, кейинги саммитда ташкилотга раислик Туркияга ўтади.
Истанбул саммитида кенгаш номини ҳам ўзгартириши кутилмоқда. Бинали Йилдиримга кўра, Туркий тилли давлатлар ҳамкорлик кенгаши (Туркий кенгаш) Туркий тилли давлатлар ташкилоти деб номланади.
Эслатиб ўтамиз, март ойида аъзо давлатлар раҳбарларининг норасмий видеоконференциясида Туркия президенти Ражаб Тойиб Эрдоғон кенгаш мақомини ўзгартиришни таклиф қилган эди.
Аввалроқ, июнь ойининг охирида Туркманистон Ташқи ишлар вазирлиги Туркманистон Турк Кенгашига алоҳида мақом билан қўшилиш имкониятини кўриб чиқаётганини маълум қилганди.
Кенгаш Бош котиби Багдат Амреев 28 29 июнь кунлари Ашхободда бўлиб, Туркманистон Президенти Гурбангули Бердимуҳамедов ва Бош вазир ўринбосари, Ташқи ишлар вазири Рашид Мередов билан учрашди.
Ҳозирда Озарбайжон, Қозоғистон, Қирғизистон, Ўзбекистон ва Туркия Туркий Кенгашнинг тўлиқ аъзолари, Венгрия эса Кенгашнинг кузатувчи аъзоси ҳисобланади. Ташкилот 2009 йилда ташкил этилган ва аъзо давлатлар раҳбарлари ташкилот туркийзабон давлатлар ўртасида яқин ҳамкорликка умид қилишини таъкидламоқда.
Кузатувчиларга кўра, Туркманистон доимий бетарафлик мақомини келтириб, Турк Кенгашига аъзо бўлишдан бош тортди.
Туркманистон Туркий Кенгашнинг тўлақонли аъзосига айланади
Жорий йилнинг ноябрь ойида Туркий тилли давлатлар ҳамкорлик кенгаши Туркий тилли давлатлар ташкилоти деб номланади. Шунингдек, Туркманистон кенгашга тўлиқ аъзо сифатида кириши кутилмоқда.