Ссылки доступа

Бритониё аз шаҳрвандонаш хост, ҳангоми сафар ба ҷануби Қирғизистон эҳтиёт кунанд


Бритониё Қирғизистонро аз рӯйхати кишварҳое, ки сафар ба онҳо ба далели вазъи эпидемиологӣ ва коронавирус тавсия дода намешавад, хориҷ кард.

Ба огаҳии сомонаи ҳукумати Бритониё, дар ин бора 17 сентябр қароре ба имзо расидааст. Ҳаминтариқ Қирғизистон нахустин кишвари минтақа шуд, ки мақомоти бритониёӣ онро аз нигоҳи эпидемиологӣ расман амн номиданд.

Ҳукумати Бритониё ба шаҳрвандони худ тавсия додааст, ки ҳангоми сафар ба ҷануби Қирғизистон аз эҳтиёт кор бигиранд. "Эҳтимоли сар задани низоъ дар минтақаҳои баҳсии марзии Қирғизистону Тоҷикистон вуҷуд дорад. Ҳамчунин гоҳ-гоҳе дар марзи Қирғизистон бо Тоҷикистон ва Узбекистон низоъҳое рух медиҳад", - афзудаанд мақомоти бритониёӣ.

Мақомоти Бритониё гуфтаанд, рух додани ҳамлаи террористӣ ва замирларза низ дар Қирғизистон аз эҳтимол дур нест.

XS
SM
MD
LG