Ссылки доступа

Қирғизистон ба СММ пешниҳод кард, ба 1000 деҳаи куҳистонӣ кӯмак расонад


Руслан Казакбоев, вазири корҳои хориҷии Қирғизистон рӯзи 21 сентябр дар ҷаласаи 76-уми Маҷмааи умумии СММ бо ноиби дабири куллии ин созмон Кортнӣ Раттрей мулоқот кард.

Казакбоев дар ин мулоқот ба СММ пешниҳод кардааст, ки барои рушди 1000 деҳаи дурдасти куҳистонии Қирғизистон кӯмак расонад.

Ба гуфтаи вазири корҳои хориҷии Қирғизистон, чунин ташаббуси СММ дар оянда барои пуштибонӣ аз минтақаҳои куҳӣ дар тамоми дунё намунае хубе хоҳад шуд. Вай ҳамчунин гуфтааст, ки Қирғизистон ташаббуси "Панҷсолаи амал барои рушди минтақаҳои куҳӣ"-ро рӯи даст мегирад. Қирғизистон ҳамчунин талош хоҳад кард, ки дар доираи СММ соли 2022 Соли байналхалқии куҳҳо эълом шавад, гуфтааст вазир.

XS
SM
MD
LG