Билдирилишича, Жиззах вилоятидаги туманлардан бирининг прокурори қурилиш фирмаси раҳбаридан уни қамоққа олмаслик учун 2 минг доллар сўраган ва келишилган пулни олган вақтида ушланган.
Самарқанд вилоятидаги туман прокурорларидан бирининг ўринбосари эса 3 йил озодликни чеклаш жазосига ҳукм қилинган фермердан 10 минг доллар пора сўраган. Акс ҳолда у апелляция судидан фермерга оғирроқ жазо тайинланиши талаб қилишини билдирган.
Наманган вилоятида туман МИБ раҳбари Қирғизистонда ўқиётган ўзбекистонлик талабадан унинг ўқишини Андижон давлат тиббиёт университетига кўчириб беришни ваъда қилиб 700 доллар олаётганда ушланди.