Ссылки доступа

Туркманистон ҳукуматини танқид қилган фаол Истанбулда қўлга олинди


Туркменская оппозиционерка Дурсолтан Таганова арестована в Стамбуле и помещена в депортационный центр

Президент Гурбангули Бердимуҳаммедовни танқид қилиб келган туркман фаоли Дурсолтан Таганова ўзи яшаётган Истанбул шаҳрида қўлга олинди. Бу ҳақда 27 сентябрь куни Москвадаги “Мемориал” ҳуқуқ ҳимояси ташкилоти хабар берди. Фаол Туркманистонга депортация қилиниши мумкин.

26 сентябрь куни полиция Таганованинг уйига келган. У уйида йўқ бўлагини сабабли полиция Таганованинг қўшнисига чақирув қоғозини ташлаб кетишган. Таганова чақириқ қоғозини олиб , полиция бўлимига борганида қўлга олинган ва депортация марказига жўнатилган.

Turkmen.news нашри Таганованинг турк тилида тасвирга олинган видеосини эълон қилди. Видеода фаол ижтимоий тармоқларда Туркманистонда инсон ҳуқуқлари таъминланишини талаб қилгани учунгина депортация қилинаётганини айтган.

“Бу менинг охирги видеоим бўлиши эҳтимол. Ватандошлар, ҳар қандай ҳолатда ҳам курашни давом эттиринглар. Қўрқманглар”,-деди фаол.

2020 йилнинг июль ойида Дурсолтан Таганова ташаббуси билан ўнлаб туркман Туркманистоннинг Станбулдаги консулхонаси олдида президент Гурбангули Бердимуҳаммедов сиёсатига қарши акция ўтказган эди.

Туркия полицияси Таганова ва бир неча норозини қўлга олган. Таганова билан бирга қўлга олинганла бир неча соатдан кейин қўйиб юборилган, фаол эса қамоқда қолдирилганди.

Бир неча халқаро ташкилотлар Туркия ҳукуматига мурожаат қилганидан сўнг Таганова 2020 йилнинг октябрь ойида озод қилинган.

XS
SM
MD
LG