Расман билдирилишича, мазкур блоклаш Ахборот ва оммавий коммуникациялар агентлиги билан ҳамкорликда амалга оширилган.
“Мамлакатимизда букмекерлик фаолияти ноқонуний ҳисобланади. Ўзбекистон Республикасининг Маъмурий жавобгарлик тўғрисидаги Кодексининг 191-моддаси (Қимор ва таваккалчиликка асосланган бошқа ўйинлар), шунингдек, Жиноят Кодексининг 278-моддаси (Қимор ва таваккалчиликка асосланган бошқа ўйинларни ташкил этиш ҳамда ўтказиш)га биноан бу турдаги фаолият ҳали ҳам ноқонуний ҳисобланади”,-дейилади расий билдирувда.
Айни пайтда президент Шавкат Мирзиёевнинг 2019 йилнинг 9 декабридаги “Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида”ги фармонига асосан 2021 йил 1 январдан бошлаб Ўзбекистонда букмекерлик фаолиятини лицензия билан амалга оширишга рухсат берилган.