Ўйин чипталари фақат хитойликларга, улардан ҳам коронавирусга қарши кураш бўйича талабларга риоя қиладиганларига сотилади. Бу қарор Халқаро олимпия қўмитаси (ХОҚ) томонидан қабул қилинган.
ХОҚ қарорига мувофиқ, тўла эмланмаган ўйин иштирокчилари ҳам Пекинга келганларидан кейин уч ҳафталик карантинда бўлишлари лозим.
Пекиндаги қишки Олимпия ўйинлари 2022 йилнинг 4 февралидан 20 февралигача бўлиб ўтади. Мусобақалар ичида энг кутилгани хоккей турнири бўлиши айтилмоқда.