Полиция ходимлари воқеа жойида, оломоннинг тарқалишини талаб қилмоқда. Бу ҳақда Озодликка ҳайдовчилардан бири Абай Тўреханов айтди. Унинг айтганларини йиғилиш иштирокчиларидан яна бир нечтаси тасдиқлади.
«Бу ерда оддий одамлар, асосан ҳайдовчилар йиғилган. Биз пуллик йўллар киритилишига, болаларни эмлашга, ёқилғи нархининг кўтарилишига қаршимиз. Ҳеч қандай жанжал йўқ, лекин полиция оломоннинг тарқалишини талаб қилмоқда», — деди Тўреханов.
У Озодликка юборган видеода йўл четида турган юк машиналари, ўнлаб одамлар ва бир неча полициячи тасвирланган. Хабар қилинишича, полиция оломонни ўша жойида суратга олиш ва видеога олишни тақиқлаган.
Берик Ерденов исмли ҳайдовчининг Озодликка айтишича, полиция уларни «ёлғиз қолдирмаганидан» сўнг, одамлар машина салонларида бўлганида митинг ўтказишга мажбур бўлишган. Пайшанба куни тушдан кейин, йиғилганлар ҳали ҳам катта йўлнинг ўша бу қисмида эди. Баъзи иштирокчилар бу ердаги уяли алоқа муаммосидан шикоят қилишди.
Май ойининг охири — июнь бошида Қозоғистоннинг бир қанча вилоятларида пуллик йўлларга қарши норозилик намойишлари ўтказилди. Юк ташувчилар бу ташаббусга қарши чиқишди, йўлларнинг сифати, ёқилғининг юқори нархи ва транспортдан тушадиган даромаднинг пастлигидан шикоят қилишди.
30 сентябрь куни Қозоғистон саноат ва инфратузилмани ривожлантириш вазирлигининг «Азаттйк»га айтишича, масъул амалдорлар республика аҳамиятидаги автомобиль йўлларининг айрим участкаларини келгуси ҳафта эшитувлар вақтида пуллик тизимга ўтказиш бўйича тушунтиришлар беришади.