Ссылки доступа

Өзбек босқындарын қорғап келген Валентина Чупик Украинадан пана сұрады


"Әлем таңы" ұйымының жетекшісі Валентина Чупик
"Әлем таңы" ұйымының жетекшісі Валентина Чупик

Мәскеуден Өзбекстанға депортациялану қауіпі бар құқық қорғаушы Валентина Чупик Украинадан саяси баспана сұрады. Бұл жөнінде Чупиктің көмекшісі Александр Ким хабарлады.

Ресейде мигранттардың құқығын қорғап келген Валентина Чупиктің осыған бейін босқын мәртебесі болған. Бірақ ол 25 қыркүйекте Армениядан іссапардан оралған кезде, оны Шереметьево әуежайынан ұстап, Ресейге кіргізбеді. Оған босқын мәртебесінен айырылғанын хабарлаған.

Қазір ол әуежайды депортациялануға тиіс арнайы мекемеде отыр.

30 қыркүйекте Чупикке өзбек консулдығының өкілдері келіп, оны депортациялау үшін суретке түсіріп кеткен.

48 жастағы Валентина Чупик Өзбекстаннан 2005 жылы Әндіжан оқиғасынан кейін кетуге мәжбүр болған.

Ол 2009 жылы Ресейден босқын мәртебесін алып, Орталық Азиядан келген мигранттардың құқығын қорғап келген.

XS
SM
MD
LG