"Талибан" өкілдері мен Бадахшан провинциясының билігінен осы оқиғаға қатысты сауалдарға жауап алу мүмкін болмады.
Дереккөз мәліметінше, Тәжікстанның Ишкашим ауданының шекарасына Ауғанстанның солтүстік аудандарынан шамамен 2 мың босқын жиналып қалды. Олар осы маңға шамамен бір ай бұрын келген. Бірақ тәжік шекарашылары оларды ел аумағына жібермеу жөнінде нұсқау алды. Енді босқындар сусыз, тамақсыз, дәрісіз қиналып жатыр.
Ауған босқындарының бірінің 2 қазанда Озоди радиосына хабарлауынша, "Талибан" шекара маңындағы босқындардан тұрғылықты мекеніне оралуды талап еткен. Әйтпесе қатаң жаза қолданылады, деп ескерткен тәліптер.
"Содырлар адамдарды күшпен жүк келіктеріне тиеп, Кабулға қайтауға мәжбүрлеп жатыр. Содырлар олардың арасынан панжшерліктерді іздестіріп жүр. Бір жігітті ұстап әкетті. Ол бұрын әскерде қызмет еткен", деді босқын.
Содырлар жақында бұл ауданға "Талибанның" жаңа жасағы келетінін айтқан. "Бұл топ босқындарды Тәжікстанмен шекарадан алып кетумен айналысатын секілді", деп топшылады босқын.