Ссылки доступа

"Наразылық маршының" қатысушылары Оштан Бішкекке дейін жаяу бармақшы


Ош облысының Дыйкан-Кыштак ауылының тұрғындары үйлерінің сүрілуіне наразылық білдірді. Олар датын айтып, Бішкекке дейін жаяу бармақшы.

Жолға шыққандардың бірі Кыял Арстанов қазір Жалал-Абад облысының Созақ ауданына жетіп қалдық деп хабарлады.

"Жоғары билікке біздің үніміз жетпейді. Біз мемлекет басшысы Садыр Жапаров пен Ұлттық қауіпсіздік комитетінің басшысы Камчыбек Ташиевке барып, жағдайымызды айтқымыз келеді", - деді Арстанов.

Бішкекке 12 отбасының мүшелері жолға шыққан. Олардың жартысы орта жолда кері қайтуды шешкен. Қазір 5 адам Бішкекке қарай жаяу жол тартқан.

Дыйкан-Кыштак пен Қорған ауылдары құжат бойынша Кара-Сууй ауданына жатады. Толойкон ауылы әкімінің өкілі Зулпукара Мазаевтың сөзінше, даулы жер ауыл шаруашылығы мақсатына арналған. Ол жерлерге үй салуға болмайды. 28 қыркүйекте сот орындаушылары учаскеге салынған үйлерді сүре бастаған.

XS
SM
MD
LG