Ссылки доступа

Бішкекте түнгі жарықтандыру өшірілмейтін болды


"Ұлттық энергохолдинг" мемлекеттік компаниясы Бішкектің түнгі жарықтандыруына шектеу қоймайтынын мәлімдеді. Бұл туралы мекеменің сайтында хабарланды.

Осыған дейін қырғыз билігі электр энергияны үнемдеу мақсатында көшелердегі жарнамалардың, кафе-мейрамхана, дүкен және сауда орталықтарындағы жарықтандырулар белгілі бір уақытта өшірілетінін хабарлаған.

"Ұлттық энергохолдинг" мәліметінше, 3 қазанда Тоқтағұл су қоймасында су көлемі 12,2 млрд текшеметр болған. Бұл былтырғы жылмен салыстырғанда 3 млрд текшеметрге аз болды дегенді білдіреді.

Биыл Қырғызстанда Тоқтағұл су қоймасында су көлемінің аздығынан электр энергияға тапшылық бар. Қазір Қырғызстан энергияны Түркіменстан, Тәжікстан, Өзбекстан және Қазақстаннан алып жатыр.

XS
SM
MD
LG