«Беларус Тергов қўмитаси» телеграм-каналида хабар берилганидек, 136 киши давлат хизматчисини ҳақорат қилиш ва адоватни қўзғашда айбланмоқда. Уларнинг барчаси ҳибсда.
30 сентябрь куни Беларусда худди шу айблов билан 50 га яқин одам ушлангани маълум бўлди. Ҳибсга олишлар ИТ-компаниянинг 31 ёшли ходими Андрей Зелцер ва КГБ офицерининг ўлимига сабаб бўлган отишма видеотасвирига берилган изоҳлар билан боғлиқ.
Видео 28 сентябрь куни жойлаштирилган. Шу билан бирга, Беларус ҳукумати воқеалар ҳақидаги ўз версиясини тақдим этди, унга кўра, Зелцер Минскда ўз квартирасининг эшигини бузиб кирган ҳуқуқни муҳофаза қилиш органлари ходимларига қарата ўқ узди, унинг уйида терроризмга алоқадор одамлар борлиги гумон қилинган.
Белоруссиядаги бир қанча шарҳловчилар видеонинг ҳақиқийлигига шубҳа қилишди. Шу билан бирга, Беларус мухолифатининг таниқли вакиллари буни ҳақиқий деб изоҳлашди.
Хусусан, чет элда бўлган собиқ президентликка номзод Валерий Тсепкало воқеа учун Александр Лукашенка режимини айблади ва Зелцернинг ҳаракатларини қораламади, чунки улар «қандай курашиш кераклиги»ни кўрсата оладиган намунага айланди. Бу сўзлар учун Белоруссияда Цепкалога қарши яна бир жиноят иши очилди.