Ссылки доступа

Тожикистон ҳуқуқ ҳимоячилари Европа Парламенти раҳбариятидан ўз талабларини президент Раҳмонга етказишни сўрашмоқда


Президент Франции Эмманюэль Макрон и глава Евросовета Шарль Мишель

Тожикистонда сиёсий гаровга олинганлар ва маҳбусларни ҳимоя қилиш фуқаролик қўмитаси Европа Парламенти раҳбариятига мурожаат қилиб, президент Имомали Раҳмонга тожик ҳокимияти мухолифларининг олтита талабини етказишни сўради.

Келаси ҳафта Тожикистон раҳбари Имомали Раҳмон расмий ташриф билан Франция ва Бельгияга келиши кутилмоқда.

Полшада тожик мухолифатчилари томонидан тузилган фуқаролик қўмитаси 8 октябрь куни Европа Парламенти раҳбариятига йўллаган мактубида Европа Иттифоқидан Раҳмонни сиёсий рақиблар ва уларнинг оилаларини таъқиб қилишни тўхтатишни ҳамда сиёсий маҳбусларни қамоқдан озод қилишни сўрашини илтимос қилган.

Тожикистон расмийларининг айтишича, мамлакатда сиёсий маҳбуслар йўқ.

Тожикистонда сиёсий гаровга олинган ва асирларни ҳимоя қилиш фуқаролик қўмитаси ҳам ҳукуматни «Раҳмон оиласи чангалидан» озод қилишни талаб қилади; инсон ҳуқуқлари бўйича халқаро ташкилотларнинг, шу жумладан БМТ Инсон ҳуқуқлари қўмитасининг сиёсий маҳбусларни озод қилиш ҳақидаги сўровларини қондирилишини; мамлакатдаги барча сиёсий партиялар, гуруҳлар ва ҳаракатларнинг эркин фаолият юритишига рухсат берилишини; мамлакат Конституциясига ва инсон ҳуқуқлари соҳасидаги барча халқаро нормаларга риоя қилинишини; Афғонистон-Тожикистон чегарасида тўпланган афғон қочқинларининг мамлакатга киришига рухсат берилишини талаб қилади.

25 августда Елисей саройи Тожикистон президенти Имомали Раҳмон шу йилнинг октябрь ойининг биринчи ярмида расмий ташриф билан Францияга ташриф буюришини эълон қилди. Президент Эммануэл Макрон бир кун олдин икки давлат раҳбарларининг телефон орқали суҳбатида тожик ҳамкасбини Францияга ташриф буюришга таклиф қилган. «Республика Президенти Имомали Раҳмонни 13 октябрда қабул қилади», — дейилади Елисей саройининг расмий баёнотида.

Европа Кенгаши раҳбари Чарлз Мишел 26 августда твиттерда Имомали Раҳмонни октябрь ойида Брюсселга ташриф буюришга таклиф қилганини ёзди.

Кутилишича, Париж ва Брюсселдаги музокараларнинг асосий мавзуси «Толибон» радикал ҳаракати томонидан мамлакатда ҳокимиятни қўлга киритгандан кейин Афғонистондаги вазият бўлади. Тожикистон Афғонистон билан чегарадош барча давлатлар ичида фақат террорчилик ташкилотининг жангариларидан иборат Кобулдаги ҳозирги режимга нисбатан муросасиз позицияни эгаллаган ягона давлатдир.

XS
SM
MD
LG