Земан парламент сайлови натижалари эълон қилинганидан бир кун ўтиб касалхонага тушди. Мазкур сайловда мухолифат ғолиб бўлгани билдирилди.
Земаннинг даволовчи врачи президент реанимацияда эканини журналистларга тасдиқлади, аммо унга қандай ташҳис қўйилганини айтишдан бош тортди. Аввалроқ матбуотда 77 ёшли Земаннинг буйраги оғриётгани тўғрисида хабарлар пайдо бўлган эди.
Билдиришича, Бош вазир Андрей Бабиш сайлов натижалари эълон қилинганидан сўнг ўз сиёсий иттифоқчиси бўлган Земан билан учрашган. Учрашувдан сўнг Земан касалхонага олиб кетилган.
Сайлов натижаларига қараганда, Бабишнинг партияси парламентда кўпчиликни сақлаб қолмоқда, лекин мустақил равишда ҳукумат тузиш учун етарли овозга эга бўла олмайди. Бунинг учун парламентга ўтган иккита мухолифат фракцияси билан музокаралар ўтказиш керак бўлади.
Янги Бош вазирни президент тайинлайди. Агар парламент икки марта президентга ишончсизлик билдирса, бу ҳуқуқ парламент раисига ўтади.