Ссылки доступа

Вазир: Ўзбекистонлик олимлар бир нечта маҳаллий вакцина устида иш олиб бормоқда


Ўзбекистонлик олимлар бир вақтнинг ўзида коронавирусга қарши бир нечта маҳаллий вакцинани ишлаб чиқиш устида фаолият олиб боряпти. Бу ҳақда Инновацион ривожланиш вазири Иброҳим Абдураҳмонов маълум қилган, бироқ у ишлаб чиқилаётган вакциналар сонига аниқлик киритган эмас.

Бундан ярим йил муқаддам Инновацион ривожланиш вазирлиги ўзбек олимлари икки вакцина устида иш олиб бораётганини эълон қилган эди.

Вазир И. И. Абдураҳмонов шу кунда мамлакатда ZF-UZ-VAC 2001 ўзбек-хитой вакцинаси ва Россиянинг Спутник V вакцинаси ишлаб чиқарилаётганини қайд этган, шу билан бирга маҳаллий вакцина ишлаб чиқаришга ҳам уринилаётганини қўшимча қилган.

“Бизнинг олимларимиз ҳам Россияда, ҳам бутун дунёдаги ҳамкасблари билан яқин мулоқотда бўлиб, бир вақтнинг ўзида коронавирусга қарши бир нечта маҳаллий вакциналарни ишлаб чиқиш устида фаол иш олиб боришмоқда”, деган жумладан мулозим.

Сентябрь ойи охирида Jurabek Laboratories қўшма корхонаси томонидан ишлаб чиқарилган ZF-UZ-VAC2001 вакцинасининг 1 458 820 дозаси Санитария-эпидемиологик осойишталик ва жамоат саломатлиги хизматига топширилганди. Ўтган ой ўрталарида эса Jurabek Laboratories ширкатининг маркетинг ва сотиш бўлими бошлиғи Азиз Соипов Ўзбекистонда қуйилган препарат шу йилнинг октябрь ойида ички бозорга чиқишини маълум қилган.

XS
SM
MD
LG