Сўғд вилояти раҳбари Ражаббой Аҳмадзода Қирғизистон Республикасининг тегишли идораларига жазони қайта кўриб чиқиш талаби билан хат юборганини айтди.
Қирғизистоннинг Боткен вилояти Лейлек туман суди ўтган ой Тожикистон фуқаролари Абдурозиқ Абдуқаҳҳоров ва Асқар Юнусовни умрбод қамоқ жазосига ҳукм қилди. Улар жиноят содир этганликда айбланган. Қирғизистон Республикаси Жиноят кодексининг 380 («Тинчликка таҳдид») ва 391 («Талончилик») моддалари билан айбланган. Маҳкумларнинг қариндошлари ҳукмни мутлақо адолатсиз деб билишади. Ўша пайтда Тожикистон расмийлари томонидан ҳеч қандай расмий муносабат билдирилмаган.
Сўғд вилояти раҳбари Ражаббой Аҳмадзода 11 октябрь куни «Озодлик» радиоси билан телефон орқали мулоқотда Тожикистон ҳуқуқ-тартибот идоралари билан биргаликда Қирғизистоннинг тегишли органларига иккита расмий мактубни кўриб чиқиш талаби билан юборилганини айтди. «Бизнинг шикоятимиз асосида 19 октябрь куни апелляция суди ўтказилади», — дея таъкидлади Сўғд вилояти раҳбари.
Тожикистон судланган фуқароларидан бирининг адвокати суд бир ҳафтадан кейин ҳукмга қарши шикоятларни кўриб чиқишини тасдиқлади.
Абдурозиқ Абдуқаҳҳоровнинг рафиқаси Наргиса Жабборова 11 октябрь куни Озодлик радиосига берган интервьюсида судда иштирок этишни хоҳлаганини айтди, лекин Қирғизистон ҳукумати уни давлат чегарасини кесиб ўтишга рухсат бермади.
Наргиса ва Абдурозик Тожикистон фуқаролари, лекин улар қирғизларнинг Борбоддуқ қишлоғида яшайдилар. Абдуқаҳҳоровлар оиласи ҳозирда Тожикистонда.
«Менга эрим ва Асқар Юнусовни Исфана тергов изоляторидан Ўш шаҳридаги колонияга юборишганини айтишди. У ерда улар кунига уч маҳал овқат билан таъминланади, маҳбуслар эса кунига икки марта сайрга чиқарилади. Исфана тергов изоляторида уларга кунига атиги бир марта овқат беришган ва уларга шафқатсиз муносабатда бўлишган», — дейди у.
Наргиса Жабборова 23 сентябрь куни «Озодлик» радиосига берган интервьюсида эрини озод қилишда ёрдам сўраб президент маъмурияти раҳбари Озода Раҳмонга, Сўғд вилояти раиси Ражаббой Аҳмадзодага ва Тожикистон бош прокурори Юсуф Раҳмонга мурожаат қилганини айтди. «Мен охиригача курашаман, эримнинг айбсизлигини исботлаш учун ҳамма нарсани қиламан. У жиноятчи эмас эди», деди у.
Абдурозиқ Абдуқаҳҳоров ва Асқар Юнусов шу йилнинг май ойида тожик-қирғиз чегарасида содир бўлган қуролли можародан кўп ўтмай, қирғиз хавфсизлик кучлари томонидан ҳибсга олинган.
Тожикистон ва Қирғизистон чегарасида тўқнашувлар 28 ва 29 апрель кунлари содир бўлган. Чегарадаги можаро пайтида ҳар икки томондан 55 киши ҳалок бўлган, ўнлаб одамлар турли даражадаги тан жароҳатлари олган, ўнлаб уйлар ёниб кетган. Душанбе ва Бишкек бир-бирини қуролли можарони бошлаганликда айблаб, унинг иштирокчиларига нисбатан жиноий иш қўзғатди. Тергов қандай якунлангани ҳақида Тожикистон ва Қирғизистон Бош прокуратураларида хабар берилмаган.